E diela poetike me poetin;Skënder Berisha
FESTË
—————————–
Sa me gaz ju flas ju flas
sa me shkas brohoras
se qielli sot qesh në çast
se zemrat këndojnë me kast
se diell i mbarë na ndrinë
se kuq e bardh faqe çilet
se Kosovë e bukur tash po lëvrinë
se mbarë e anë e kënd po ndillet
sa me gëzim çdo gur po dridhet
sa zbardhin plisat e mi sot
sa zemra-zemrës n’valle lidhet
se mbirë galdimit dalin pika lotë
se dole moj si kushi edhe ti
se sheshit shkepe sa hijeshi
sa shpirt i thyer sot u përtëri
sa fort shndriti ky diell i ri
se u mblodhën shpejt djem e çika
se shumë gëzojnë si Republika
se pat pikur gjaku shpesh pika pika
sa malet panë e mblodhën djem e nipa
sa me gaz ju flas ju flas
sa brof ky vrull i ri me dalëngadalë
sa urimi del si lulet nën dëborë
se këngën mos e ndal ti vetullhollë
sa të skuqin faqet moj Kosovë
se gjak u njomën fushë e malet për ty
sa u dogj dushk e bar e gjelbëroi përsëri
se gjatë e mbrujtëm në zemra këtë liri
17 shkurt 2012,Prizren
