E diela poetike me vargjet brilante te poetes:Nexha Reçica
UNE KAM DASHURI
—————————–
Unë kam vetëm dashuri
Kaherë të mbjellë në shpirt,
Që atëherë kur nëna më lindi!
Dhe sa herë që u rrita unë
Dhe ajo u rrit
Mbeti cdohere pranverë në blerim!
Kur ndrrohen stinët e acarohen
Unë nuk ndryshoj
Cdoherë në mua lulet lulëzojnë!
Edhe kur zogjtë bëjnë gabime,
Aq mirësi mbolli në mua nëna ime/
Këtu në vendlindjen time!
