E diela poetike me vargjet e bukura të poetes:Jonida SHEHOLLI
DURIMI
————–
Trishtimi futet shpirtit, fijeve të zemrës ua çakordon timbrin
Në epiqendrën time, ankth bëhet ndjenja e pakëndshme
Dhëmbët kërcasin mes tyre
Goja ka vënë kapakun
Fjalë e rëndë, në mua ndezur flakë, end tymin
Dhe në përfundim i them njeriut; Sa numëro deri në pesë
Ngrit lart qëndrimin, mike ta bësh qetësinë, parim ta kesh durimin…
Se epoka e shpirtit, në shekuj durimi
Mbërthyer në çaste të shkurtra fare
Jeta shtegton në shtigje adhurimi
Flakë tutje brengat e valixhet me halle…!
4 mars, 2022
