E diela poetike me vargjet e bukura te poetes:Valbona Ahmeti

Nënë Hyjneshë

——————-

Zbritur nga qielli kaltëror

shpirt i bukur engjëllor

ëmbëlsia e fjalës së saj hoje mjalti

bukuri e rrallë dhunti nga zoti

në hiret e fytyrës

ka të lulëzuar beharin

për çdo dhimbje është lule balsami

në buzëqeshjen engjëllore

të buzëve të saj ka qiellin e paqësuar

Nënë Hyjneshë det i qetësuar

gatuar në shpirt ka dashurinë

në dritën vezulluese të syve ka lumturinë

dora ledhatuese e saj të merr si një meteor

të përkund me ëndrrat n’mes yjeve qiellor

Nënë Hyjneshë sypalodhur

netëve të gjata pa gjumë

hënën zgjuar shoqëron n’ përgjim

në çdo cep të botës të mbron i saj bekim

Valbona Ahmeti