E hëna poetike me poeten ; Majlinda PAJAJ

Në portën e mallit!

——————————–

Në portën e mallit trokas

puth lotin e të mirës nënë

në kraharor mallin ti shuaj

në dashurinë e paanë më rrite si hënë.

I rëndë dheu i huaj

pesha supet m’i ka rënduar

hapat jo gjithnjë më janë bindur

kur jam rrëzuar edhe kam qarë.

Për ty vendlindja ime

vij si zog shtegtar

tek ti kam folenë si të gjithë zogjtë

ndaj vij të shuaj mall.

Vatra, kjo shtëpi e paharruar

aromë fëmijërie e përmallur

e kujton kur isha e vogël

vrapoja pas ëndrrave,ti mbaja zgjuar.

Në portën e mallit trokas

puth lotin e të mirës nënë

të sjellë aromën që gjallë të mban

aromë e bije për ty nënë.

/www.qendrapress.com/