E marta poetike me poeten:Albina IDRIZI

Gjej diçka të bukur

—————————————

dhe ma thuaj sonte,

diçka të mëndafshtë prej shpirti,

si dhelkë përqafimi

yllnajave të pagjumta të vetmisë.

A nuk jemi ne fëmijët

e botës së re, i dashur

dhe prania jonë, a nuk është

ajo që bën të kujtohemi

kush jemi në të vërtetë,

atëherë kur harrojmë

të matemi me veten,

të dy prej drite dhe fryme,

kaq të ngjashëm kur dashurojmë.

Gjej diçka të bukur

dhe ma thuaj sonte,

sonte, kur gjithçka i heshtet

dëshirimit të një fjale

që thuhet pa zë.

/www.qendrapress.com/