E marta poetike me poeten:Korça BIBJANA

Dua botën time

——————————–

Dua një botë të botës time

Ku çdo ditë të shkruhet

në kalendar me emrin tënd

e të festojmë dashurinë

në botën e çudirave

Dua një botë timen

Aty ku do zgjohesha

e buzëqeshja me ty ,

derisa buzëqeshjet e mia

të preknin hyjshëm thellësinë

e shpirtit tënd

Dua një botë timen,

aty ku zemrat tona do ndjenë shijen e dashurisë engjëllore

pa asnjë urrejtje,

në kopshtin e shpirtrave të lumtur

Dua një botë timen,

ku yjet e hëna të admirojnë

çdo çast tonin,

ku të gjithë rreth botës sime

ta kuptojë thelbin e dashurisë

Dua një botë timen, aty ku do plakesha me ty, derisa dielli im të shkoj përtej horizontit