E marta poetike me poeten:Teuta Beqari OSMANI

  ·

Sytë e mi

——————————–

Sytë e mi, parashikimi i motit

Ku sheh gjithësinë thellë ndër vete,

E ndër vete merr kohën e ndjeshme

Dhe vepron njësoj si të loz me jetën!

Sytë e mi, piktura e qenies

Kur sheh ekzistencën me veten,

E me vete merr peizazhet e vërteta

E ëndërron si të jetë ndër vjetët!

Sytë e mi, një pasqyrë reale

Kur ndrin ditët radhë e netët,

E ndërmjet tyre merr e ëndrrat

Tej qenies së ngjalljes e vdekjes!

Sytë e mi, një dritë e pakufizuar

Kur zbardh errësirën e pakuptueshme,

E në Diell nis rrugët shtruar

E netëve me Hënë kërkon gjurmët!

Sytë e mi, ah sytë e mi!

Ku shprehin gjithçka ndjehem,

Si një vakt që ngrys e gdhin

Shpresën, si një shpërblim për vete!

Sytë e mi, si shpirti im

Ku rreh rrufeja, tufani e erërat,

Ku ndjen shirerat , të ftohtë e ngricë

Për kohërat më diell e të bukura!

Sytë e mi, një botë e imja

Ku jeton mbi veten vetja,

Pa kurrsesi, nuk do isha unë

Si pa sy dhe e verbër!

/qendrapress.com/