E mërkura poetike me poeten;-Barie ÇUPI

… …dritëhijet

————————-

…drit’hijet janë kapilarë të heshtur rrezesh,

pikëpyetje enigmash,

herë-herë gjurmë të thyera,

kupolë e një shpirti,

një jete

apo mendimi…

diku sipërfaqesh të lyera,

sa personazh ngacmues,

pritash të zë ndër vete.

në një xham të ciklosur,shpon gishtin tregues,

koha njerkë

e unë thjesht më mirë lexues,

përtej ka shi dhe diell,

dikush martohet,

dikush vdes,

unë këtu brenda një njeriu vëzhgues,

Po ti ç’pret?!

dikush hap një arkiv fjalësh,

varrezë e porosive të fundit,

fletë të lagura,

ngjyrash nuk ngjet.

dritë apo hije në kopertinën e veprës…

sa pa fat dora e piktorit,

në mundsh më pikturo dritëhijet e zemrës…

/www.qendrapress.com/