E mërkura poetike me poeten;- Donika Meta GJURA

GJUHA E GJATË E BËN HATANË!

————-

Thonë se është e gjatë virania,

Veç tul ngjyrë rozë e kocka s’ka,

Kur kalon tridhjetë e dy dhëmbë,

Gjuha e gjatë e bën hatanë.

Kocka s’ka, por thyen kocka,

Kur merr jerm s’din nga shkon,

T’nxjerr n’shesh t’thëna t’pa thëna,

Shoqërinë mjedisin e dëmton.

Shpesh herë ndjehet dhe krenare,

Kur historinë nga fillimi tregon,

Për asgjë nuk ja ninë fare,

Herë të fëlliq e herë të nderon.

Ndodh që gjuha bën dhe shaka,

Tregon përralla e asgjë t’vërtetë,

Kur e merr vesh gjithë mëhalla,

I beson përrallat edhe vetë.

O njeri! Mbaje gjuhën nën kontroll,

Mos e lësho atë vend e pa vend,

Me t’gjithë njerëzit ajo t’bën horr,

Ndodh të vret dhe me vëllain tënd!

10.10.2023!

/www.qendrapress.com/