E mërkura poetike me poeten;-Servete ELEZI

Solla këngët e mallit

===================

Shkruaj ti për të dashurat tua

këngën u këndon aq hijshëm

unë kam marr arratinë

vetmisë paqen dua,,

sa të largëta janë udhët

sa shpirtra udhëtojnë heshtur

përdore të kam zënë shpirtin

lidhur të kam tash.

E di që ti do, të jesh këtu,,

ndoshta fizikisht në ndonjë kolltuk gjendesh tani

pa dit se një pjesë diku, ka ikur,,

të ka braktisur!

#

Sa mall kanë këto strehë

për këngët e shpirtit

ato që udhët kanë harruar moti

këpucë me taka këtu s’bëjnë punë

as veshjet e holla

as thojn të zgjatur ,shtrigash

veç shpirtit veshur

pa të s’mund të shohësh

ngjyrat, fëshfërimën,

këngët e zogjve, të gjinkallës

zhurmën e bretkosës, të lehurat e qenve

e krrokatën e ndonjê korbi

s’mund të ndjesh atë elegancë shpirti

që rrallë kush do ta gjej

s’ka ngjyrë gri këtu

as çaste pasioni të fikur

s’ka pije eksi,,

as rrugë asfalti djegur

këtu toka puthet papushim me qiellin,

këtu pasionet rrinë ndezur

kënga s’pushon kurrë

këndohet në kor

e ty veç të duhet, të zgjedhësh

unë sot zgjodha, këngët e mallit

kam sjell dhe detin pranë

të shoh perëndimet e përflakta

agimet të ndezin!

/www.qendrapress.com/