E mërkura poetike me poeten;-Zaide NOKA
Pa forcë
—————-
Në qytetin e lashtë të botës
Një Gjysmëhënë e ftohtë
Ishte derdhur pa jetë në mes të trotuarit
Përreth zinin kafenetë me njerëz veshur “Firmato”
Perëndesha e dhimbjes kishte injektuar
Vdekjen “e bardhë’ pa zë
Pamja nxinte rrugën
Nëna e çdo fëmije në botë
U trazua nga ofshama e dhimbjes së thellë
Për Gjysmëhënën e mbledhur kërrus
Pa dritë,pa formë ,pa jetë…
Gjithë bota nxinte nga indiferentizmi
Edhe unë nuk bëra gjë…
Veçse u helmove përjetë .
Zaide Noka
13.07.2023
/www.qendrapress.com/
