E mërkura poetike me poeten:Anita HOXHA

Kur të ikësh…

———————–

Kur të ikësh larg, mes zhurmës, pa kuptim,

Mos u trishto, të ndjek pas muzikë e shpirtit tim…

Kur pemëve të pushosh lodhur nga vetmia,

Më jep vetëm një zë, fluturim do të vija…

Kur i vetëm do të shohësh, me lot perëndimin

E di, në shpirt do të mbash si medalion, pendimin !

E malli do të këpusë, gjunjët, që e lë shtëpinë

Kur mijëra zogjë sheh qiellit, si të jenë pelegrinë…

Kur të jesh larg nga unë, të na ndaj qiell e det,

Zgjati krahët si pulëbardhë përqafimi im të pret!,

Nëse një ditë, s`do gjesh ti dritën e kthimit

Ruam në zemrën tënde si lulen e kujtimit!

/www.QendraPress.com/