E mërkura poetike me poeten;Dava Gjoka LLESHAJ

PERËNDESHË E VALLES SHQIPE

————————————-

Ikën Besim Zekthi e Rexhep Çeliku

Këta mjeshtra të valles shqipe

Sot dhe Ti Liljana Cingu

Mbretëreshë e valles , ike

Si një shqipe fluturove

Cep më cep të kësaj Bote

Shqiptarinë e përfaqësove

Gjallë do t’mbetet vallja jote

Vallja sot ndali kërcimin

Shqipja ,lotin ,s’e mban dot

Po përcjellin mjeshtre Lilin

N’përjetësi për jetë e mot

Perëndeshë e valles shqipe

Kështu do t’mbetesh përgjithmonë

Nëpër skenë 45 vite

Mjeshtre e valles ,Ti, ikonë

At’ gjerdan të artë që more

N’qafë e mbajte për shumë vite

Nëpër breza ti e çove

Mbretëreshë e valles shqipe

Vallja ,sot ,të kërkon Ty

Edhe skena ku kërceve

Po t’përcjellin me lot n’sy

Engjëll lart u ngjite reve

Mos harro, Ti ,perëndeshë

Kur të jesh me yjet n’qiell

Vallen shqipe ta kërcesh

E t’shkëlqesh si i bukuri diell

Dava Gjoka Lleshaj , Tiranë 6 Shkurt 2024

/www.QendraPress.com/