E mërkura poetike me poeten;Sherife ALLKO

Mos mi lexo letrat e mia.

Tashmë më ke përballë

————————————–

Letrat e mia i lexoje fshehurazi,

Nën shkëlqimin e yjeve të nëntorit.

I vetëm në errësirë i veshur me heshtjen përballë flakërimit drejt askundit .

E kush mund të jepte dashuri,

Në një darkë pakënaqësie ?

Përveçse Unë,që të falja” botën e vogël “.

Ti edhe sot i rilexon letrat e mia ,

Me shpresë nën shkëlqimin e meteorëve,

Nga të cilët rrjedhin lumenj lumturie .

E di që mendon se Unë jam një rrahje zemre e fundit në tryezën e lumturisë por,

Do ta gjejë kohën tē bëhem një flutur me krahë,

Ju të më gjeni vendin ku unë të ulem, për të bërë vend dashurisë sonë .

E di që për ju ka qenë ritëm dëshpërues në kërkim të shpirtit të humbur .

Unë për ju,po bëhem një poezi në gjumin e natës

duke ëndërruar të nesërmen plot shpresë .

Ai i lexoi letrat e mia duke parë dritën e syrit tim në dritë dylli .

01.11.2022