E mërkura poetike me poeten;Trandafile MALSHI
![](http://qendrapress.com/wp-content/uploads/2024/07/trandafile-malshi.jpg)
KËTU NË DETIN E DALLGËZUAR
———————————————–
Këtu në detin e dallgëzuar
nanurisem si në andrra
Bie në paqe e në dhele,
në lëkurë e në mish,
Më ngjeth me lumturi
ajo freski që më gjallon sërish.
Më vjen si hare
muzikë e ëmbël e valës
Më ngjan se jam nëper flatra resh
Tuj notu ngadalë,
Krahëhapur detin dua ta pushtoj
të dashurin shkumëbardhë.
Guaskat që pushojnë në breg
i mbledh ,
E veç po du diku me i strehu
A gjerdan mbi gjoks
Vedit si kujtim me ia praru.
O det më fal sall pak gjallni
Nëpër dallgë më merr disa orë, disa ditë
E të mbushem veç me kaltërsi
E ujshme do bahem për ty
Veç ma prek pak butë këtë shpirt!
Ta shoh shkumën e bardhë si pikturon në breg,
disa forma e harta ashtu me shpejtësi
Me ëndrrat e mia rri pushoj në breg
Krejt qënien time me jetë e mbush
O i hyjnueshmi, i bukuri det!
/www.QendraPress.com/