E mërkura poetike me poeten;Zize Liza PEPSHI

Kërkimi i ëndrrës

—————————-

Jam nimfë e gjallë

Kridhem në thellësi deti

Të të gjej Ty

Peshk i Artë

Valëve u bëj ballë

Në jetën plot halë

Dhe kam shumë mallë

Dëshirë ime e prishur

Në ëndrrën time të grisur

Varur në Lisin e lartë

Në jetën me dallgë

Sirenë zërin e bëj

Tek të kërkoj në teh kënge

Me ulërimën e gëzimit

Ta ngjes për mënge

E ti më shqitesh

Në mëngjes

Mbi barin me vesë

Dhe më thyhesh para pasqyrës

Tek më lë vërragë fytyrës

Njësoj natën njësoj ditën

Më vjen aq befas

Dhe aq papritur më ikën

Athua kot ta zë pritën

Dhe ia humb vetes dritën?

JO, fëmijëve s’ua ndal rritën

Pse qëndrove aq pak

Si ta heq këtë lak?

Durim durim

Do vij dhe unë

Te TI, në cak…

/wwww.QendraPress.com/