E mërkura poetike me poetin;- Zymer H.HALITI

QIELLI I HIRTË

——————————-

Të pata takuar dhe më parë

aty te shkolla, në korridor

sytë tuaj si dy margaritarë

më ndoqën plot dy orë…!

Unë po flisja për një libër

që për temë kishte lirinë

dhe ti me zemrën e çiltër

më the ca fjalë për dashurinë.

Unë atëherë s’ju kushtova rëndësi

lexoja e studioja me afsh letërsinë

por,sot fjalët tua si një breshëri…

më godasin kokën për pakujdesinë.

Jo që s’të kuptova,apo asgjë s’thash

ishte koha e tillë plot me mjegullnaja

unë heshta atë ditë dhe në hall rash

sot me mall t’kujtoj e bukura flokëgjata.

Atëherë koha ishte e vrërët

dhe qiellin e hirtë e kishim

mes teje e meje si gërshërët

prenin rrugët nga ne vinim.

/www.qendrapress.com/