E mërkura poetike me poetin:Llesh GJOKA

TROKU I KALIT

—————————–

Një kalë i bardhë pandehur ndali trokun para meje

Ia dëgjova tingëllimën e lingës prej tunxhi

Një kalorës shtinjak si unë mbase nuk e priste

Plot zulmë po vinte, një fuqi e epërme ia përkundi.

Në rendjen e tij plot sitmë dëgjoheshin thirrje luftëtarësh

Kur u ndal në pritje shkundi krifën i galduar

Lëshonte afsh të zjarrtë nga goja me ca dhembë fildishi

Nuk ishte një kalë si të tjerët, kishte qime të praruar.

Njē Pegaso mbase kishte qenë në fluturim

Kërkonte zjarrmëtarë të tjerë që flijoheshin për muzën

Dhe shigjetarë të shëlbuar të shpirtit për shpëtim

Në garë s’kish të tjerë që t’ia ndalnin udhën.

Në pritje hungëriti zëlartë dy – tri herë

Pajimet kērkonte t’ia drejtonte një zot

Pastaj u zhduk si vetëtimë nëpër erë

Në rendje të qëllimtë gjithkund nëpër botë.

/www.QendraPress.com/