E mërkura poetike me poetin;Milazim KRASNIQI

PSE FLUTUROJNË SORRAT

————————————–

Janë sorra të mërzitshme

Me gjithë atë tërsëllimë

Kur fluturojnë kështu të trembura

Si paralajmëruese të prishjes së motit

Thonë njerëz të mbushur mërzi

Teksa shikojnë sorrat në fluturim

Në mbrëmjen e mbytur në djersë

Po pse këta njerëz nuk e vrasin mendjen

Të kuptojnë çfarë bëjnë ato sorra

Duke fluturuar ashtu të trembura

A ikin ato prej ndokujt

A ndjekin ndokënd

Apo mos fluturimi i tyre

Mbrun në vete një fshehtësi

Të pakuptueshme për ata

që nuk duan ta kuptojnë fshehtësinë

Ato kur fluturojnë ashtu të trembura

Më të lehta se sa vetë ajri

që shpërbëhet prej tyre

Si besimtari i përulur në sexhde

Zotin e tyre gjithë hare e adhurojnë

8 gusht 2011 /www.QendraPress.com