E mërkura poetike me poetin;Rexhep .F. MORINA

HAPI I TIJ VIGAN

(Heroit të kombit Remzi Ademaj)

—————————–

Nën ato male,e kreshtat me drurë,

Themelet e lashta i ka fshati Zhur.

Ato kulla t’gurta,flasin për trimëri,

Që në kohërat e vjetra bënë histori.

Histori e Lumës në grykën e Drinit,

E rriti nëpër vite shtatin e një trimi.

Me halle t’vendit shpejt burrërohet,

Për atdhe ngritët,si emër lartësohet.

Se ndali kurbeti,as burgu nuk e theu,

Forcë merrte nga toka,si dikur Anteu.

Se vetëm kështu mundet armik i egër,

Me guxim kreshniku,të fortën zemër.

Një betim bëri me vëllezërit Gërvalla,

Liria fitohet me luftë,e jo me përralla.

Marshoi pa ndal,n’malet e Dardanisë,

Me pushkën në dorë,flamurtar i lirisë.

Sa kalonte thellësitë e malit Koritnik,

Silueta e tij vërehej atje mbi Pashtrik.

Përpjekja i fali dije,dhe vrulli intuitë

Jetën baladë epike,i shkrepave Petrit.

Nëpër shtigje të luftës,hapi i tij vigan,

Me shokët në krah,kurrë nuk ju ndanë.

Se lodhi rruga e lirisë,as prita se tundi,

Si lisi me jehonë ra,e malet i shkundi

/www.QendraPress.com/