E mërkura poetike me poetin:Setki Q. JASHARI
E dua shumë mëhallën time
—————————————
Kam shumë respekt, për mëhallën time
Se ka njerëz t’mirë dhe shumë punëtor
Janë të bashkuar, në t’liga dhe gëzime
Veç halleve të ditës, bëjnë edhe humor.
Jo, aspak s’më pëlqen, mëhalla tjetër
Ka njerëz idiot, egoist, shumë tinzarë
Ligësitë e tyre, nuk shkruhen në letër
Se grinden çdo ditë, kush është i parë!
Në mëhallen time, nisën e bukur dita…
Dikush laton drurin, dikush murator
Dikush pret xhama, dikush saldator
Por shumë ka bujqër, ka dhe blektor
Në mëhallen tjetër, dita nisën e trishtë
Nuk flasin me zë, por shenja me gishtë
Nëpër mure e shtylla, kapsullojnë sytë
Pse s’kanë mbarësi, akuzojn perënditë
E këndshme mbrëmja në timen mëhall
Flet e qesh njerëzia, me çiltërsi e mall
Nëpër rrugica e lokale, ka plot gjallëri
S’ka urejtje, xhelozi, ka vetëm lumturi
Mëhalla tjetër, në mbrëmje s’ndihet fare
I mbyllin herët, garazhde, dyer e dritare
Arogant, egoist, t’humbur ndër kolltuqe
E kush i dëshiron, këta njerëz plot huqe
Ju betohem, shumë e dua mëhallën time
Në çdo shtëpi e sokak, kam plot kujtime
Atje është parajsa, atje ëndrat frymojnë
Qofshin bekuar, njerëzit që atje jetojnë!
