E mërkura poetike me poetin;Syhejl HAVOLLI
NË PRITJE U SHËROVA
———————————-
Në pavijonin e ortopedisë
Qetësi e rëndë, si natë pa yje
Heshtja më mbështjell, peng për shpresë
Mjekun para derës pres
Për një parafjalë
Toka bie në gjumë
Mjeku qe shtatë orë nuk vjen
Heshtja vendnumëron
Numri 7 më vegullohet
Si një orë e ngrirë
Dita ma vodhi trupin
Koha, lumë i mërzitur, më ngushëllon
Gjaku nëpër dej më vlon
Si një det i trazuar
Nga stuhia e durimit
Dhembja më përqafoi
Në pritje, u shërova.
13 gusht 2024
/www.QendraPress.com/
