E shtuna poetike me poeten;Margarita Llapushi ZENELAJ

Pritja më rrudh..

—————————-

Nuk dua dashuri një herë në vit

ashtu si vjeshta ikën, shkon,

e dua pikë pikë çdo ditë

të më qeshë shpirtin kur pikon.

Nuk dua dashuri një herë në vit

as premtimet nuk i dua,

kur ti je gjithmonë aty

e i verbër je për mua!

Nuk dua dashuri një herë në vit

zemra është si mulli me ujë,

nëse rrjedhës i kthen anë

ajo ndal e më nuk bluan’!

Nuk dua dashuri një herë në vit

pritja më lodh ,më rrudh, më plak,

më mirë dashuroj natyrën

më jep jetë dhe s’kërkon hak!

Nuk dua jo më, dashuri

as fjalë të bukura thënë pa shpirt,

unë do jetoj edhe pa ty

dashurinë për vete do konsumoj çdo ditë!

/www.qendrapress.com/