E shtuna poetike me poeten:Mirishahe ELSHANI

MISTERI I DASHURISË

——————————-

E fshehtë e zjarrtë më ndizet dashuria

Trëndafil të jesh a të vret bukuria

Fjala ime a të prek si zjarr

Apo hija ime po të ndjek gjallë

Bukuria jote seç po më tallë

Zbrazëtia jote ankthin m’a sjell

Nga etja e kallur sytë m’i verbon

Nga zjarri i fshehtë zemrën ma copëton

Nga forca titanike seç u fërgëllova

Nga fuqia e Erosit seç u ndriçova

Zemërguri të jesh ma thua një fjalë

Buzëqeshjen e ngrirë pse po m’a falë

Si terri në ferr t’a kesh durimin

Si hekuri në zjarr t’a kesh guximin

Pastaj zbrit nga ankthi në thellësi të shpirtit

Pastaj zbrit nga djalli në dritë të shpëtimit

Je gjarpër i fshehur në ëndrrën time

Nē misterin e dashurisë je shumë magjike.

22 qershor 2022

M. Elshani