E shtuna poetike me poeten:Taena MATA

Dëshirë e pashuar

——————————–

Shelgu i blertë pikon lot

Ashtu edhe zemra ime

Pikon lot për Shqipërinë

Që mbeti e vogël thërrime.

Kur do bëhet Shqipëria

Etnike si tek kjo hartë

Brenda t’i ketë të gjitha

Viset shqipe nga gjith’ krahët.

Bukuritë e Kosovës

Sanxhakut e Malësisë

Tokën e lashtë të Iliriadës

Gjithë viset e Çamërisë.

Nuk harroj Bujanovcin,

As Medvegjë e as Preshevë,

Trima e më të vuajturit

Janë shqiptarët në kët’ trevë.

A do të mund sa t’i shoh

Gjithë trojet shqiptare

Të bashkuara krejt në një

Në

SHQIPERINE NATYRALE.

Kjo ditë s’do të jetë e largët

Dëshirë-zjarri e çdo shqiptari

Amanet që s’vdes i të parëve

E drejta jonë – fryma që marrim. ——————————————————–