Edhe një vdekje tragjike në Prizren: Humb jetën një 29-vjeçar

 Pas rastit tragjike të  34  vjeçarit mbrëmë sot, rasti  I dytë  përsëri me  një të ri,Siç njofton togeri I policisë   Shaqir Bytyçi  zëdhënës  I policisë  rajonale në  Prizren, njofton  se ‘’Sot, më datë 19.03.2026, rreth orës 12:10, në rrugën “Transiti i vjetër”, në Prizren është raportuar një aksident trafiku në mes të një motoçiklete, një kamioni dhe një veture.

Sipas informacioneve fillestare, dyshohet se drejtuesi i motoçikletës, duke mos e përshtatur shpejtësinë me kushtet e rrugës, fillimisht ka goditur lehtë veturën, ndërsa më pas është përplasur nga prapa në kamion. Si pasojë e aksidentit, motoçiklisti, E.A., rreth 29 vjeç, ka humbur jetën. Vdekjen e viktimës e kanë konstatuar ekipet mjekësore në vendin e ngjarjes.

Policia ka dalë menjëherë në vendngjarje, ku ka ndërmarrë të gjitha veprimet e nevojshme, përfshirë sigurimin dhe këqyrjen e vendit të ngjarjes. Në vendin e ngjarjes ka dalë edhe prokurori i shtetit. Me urdhër të prokurorit, trupi i pajetë i viktimës është dërguar për ekzaminim në Institutin e Mjekësisë Ligjore në Prishtinë.’’ njofton togeri Bytyçi. Kurse  tashmë nga  familjarët dhe  shoqata e biçiklistëve njoftohemi se I riu ishte Ezan Ademaj, një  djalë  entuziastë e premtues  në  gara  të shumta ,Këto  raste  pikërisht në  vihjiljen e  Festës së Bajramit të Madh  të  thuash se kanë pikëlluar  shumë prizernas.  Andaj,  vdekjeve të këtilla duhet  t’i ndalet  hovi/QendraPress/