Fryma festive e poezisë nga poeti ;-Fatmir MUSAI

KRYEFJALA POEZI!

(Poezia – forma esenciale e artit!)

———————————————

Më pëlqen të sprintoj në pistën e poezisë

E në 100 metra fuqitë e mia t’i shteroj,

Si çita afrikane me rekordin e shpejtësisë,

Që gjahun poetik ta kap e ta mbërthej me thonj!

Mund të isha dhe një qen afrikan në kope,

Që në pistën e prozës të garoja si Maratonomak…

Nuk e di nëse gjahu i kapur do quhej Trofe,

Po Talenti me Durimin kurrë s’kanë qenë ortakë!

Se dhe sprintierët, dhe maratonomakët,

Supernovë dhe Evolucion ishin në Gjithësi,

Ashtu si poezia është ashti në prozën e vakët,

Që nga Asgjëja të shpikë Shpirtin-mrekulli!

/QendraPress/