Fryma poetike e së dielës me poeten :-Ajne IBERHYSAJ

SHPIRTI NUK HESHT

——————————–

Në timbrin e zanit tim

Më e shenjta e gjithmonshmja ime

Ishe fryma e shpirti tim

Që asgjë nuk e shoi!

Etjen time!

Gjithçka rreth meje ishte përhumbur

Deri te zani brenda meje

I fundosur në fontanën e puthjeve

Ku shpirti ma prekte një flutur

Me flatra të gjymta

Shpirti nuk hesht

Deri t`i mbledh një grusht rreze

I fala dritën e syrit tim

Diellit të etshëm për një puthje

Harta e shpirtit fillon

Aty ku fryma e zemrës rëndohet

Me ndez zjarrin e damarëve që nuk bëzajnë

E ti me u zgjua i etshëm

Nën rigën e syve të mi

Në kryqëzimin e verbët të fatit

Me e mundë shiun shtegtar

E me i dhanë kumt:

Etjeve të shpirtit të rrënuem

Për ta mbledhur veten si gjethet kryeneçe

E të bëhem ofshamë shkundullimash

Në fontanën e puthjeve

Deri në agun tjetër.

/www.qendrapress.com/