Fryma poetike e së dielës me poeten:-Armenida QYQJA

Nuk është larg pranvera

———————————–

Pranvera s’mund të jetë dhe aq larg,

Ja, pyet rrezet e diellit mbi ballin tim,

Me ëndrrat flirtojnë hareshëm

Pas dimrit shpirtit t’i japin pak gëzim…

Ca zëra të brisktë se ç’thonë me shpoti

Se shkurti s’është dhe aq i shkurtër,

Punë plakash idhnake e gunash

Që në gji s’dinë ta mbajnë dashurinë…

Jo, pranvera s’mund të jetë dhe aq larg,

Ja pyet rrezet e diellit mbi ballin tim,

Melodinë e fshehur në buzët, frymën

Që larg retë ia mbajnë zemrës…

/QendraPress/