Fryma poetike e së dielës me poeten:-Dava GJOKA
MIRDITËS TIME
———————–
Sa herë marr udhën tek ti me ardhë
Më del përpara djepi prej druni
Bashkë me kujtimet mbushur plot mall
Kur nana ime n’at djep më përkundi
Mirdita ime më e bukura në Botë
Nuk të ndrroj’ as me gradaçela
Atje dua t’vij të ulem përtokë
E t’i mbledh lulet kur vjen Pranvera
Kur më merr malli tek ti me ardhë
E nis unë vrapin ,fluturoj si era
Aty ku nisa hapin e parë
Si trëndafil më duket dhe ferra
Krenohem me ty kur them se nga jam
Se je për mua krejt dashuri
Ti më ke bijë ,unë nanë të kam
O mall i pashuar që më ngroh në gji
/QendraPress
