Fryma poetike e së dielës me poeten;-Drita Rubjeka ZENELI

Dritë

—————

Amësi e rruzullt,

Që fiket ngadalë,

Pa orë,

Pa kambanë,

Pa kalendar,

Kur gjysma e strehës sferë fle,

Që ndizet ngadalë,

Pa orë,

Pa kambanë,

Pa kalendar,

Dhe gjysma e sferës strehë zgjohet,

Dritë,

Amësi e bekimtë,

E përjetë,

Perëndeshë,

Apolloni?

Mit,

Mitizim,

A misticizëm,

Hyjit amë s’mund t’i qëndrojë një shigjetë mbi krye,

Dritë,

E përjetë amë që përkund djepin e sfertë…

/QendraPress/