Fryma poetike e së dielës me poeten; -Kumrie Avdyl SHALA

SHEQER BILUR

—————————–

Shapi u nda nga sheqeri,

E sheqeri mbeti i pastër, belur.

U mbështoll me ngjyrë ari,

Sa bukur rri në strofullen e tij,

Sille kah të sillesh, i rrethuar me dashuri!

Sheqeri u nda nga shapi,

Edhe pse ishte ujitur me kujdes,

Që të rritej shtati i tij.

Ishte degëzuar si rrapi,

S’e largonte dot njeri,

I ngjitur si rriqna për trupin e tij.

Bardhësia ia verboi sytë,

Ngjirja e tij ia vrau orën.

Më në fund u bind,

Se me të s’do të kishte jetëgjatësi.

Mbeturinat u hodhën në koshin e plehrave,

Kokën nuk e ktheu pas,

Të mblidhte asnjë thërrime.

Se shapit i erdhi fundi,

Si kalit të dy shtëpive.

Ti, moj ëmbëlsi, vazhdo rrugën hyjnore,

Mos lejo shapin, as milingonjat,

Ta humbin atë bardhësi

Që shndrit si nuri,

E pastër si beluri – sheqer.

Dedikim:

Për çdo shpirt që kërkon të

mbetet i pastër dhe i ndritshëm.

/QendraPress/