Fryma poetike e së dielës me poeten;-Lubi H.TOTA

Kullat tona !

————————

Ej më vikat një zë nga brenda,

Një lot vërshon ngadalë fytyrës,

Kjo kullë e heshtur ne Bardhaj-Reç,

Ishte një vatër e gjerë mikpritjes,

E tash në heshtje çdo qoshe kulle,

E ka të shkruar një histori,

Kaluan vite e motet shkuan

Kjo kullë përcolli veç bujari,

Sa më ka marrë malli për trojet,

Ku sofra e bukës rrinte e shtruar,

Çdo udhëtarë,shumë jabanxhi,

Në këto troje shpesh kan pushuar,

Por sot mes lotësh i shkruaj dy fjalë,

Për këto vise mbetur në heshtje

Nuk ka askund një zë fëmije,

Kjo kullë nuk ka as buzëqeshje,

Iku rinia dhe shtegtoj gjetkë

Kanë mbetur shkret kulla e vatan

Një mall i madh brenda më mbyt,

Në botë nuk gjen ti vatrën tanë.

Në prag të kullës ula e pushova

Sa burra rriti kjo kullë në shekuj,

E sot mes lotësh e përqafova

Çdo gurë të kullës që është e gdhendur .

Vite përcolla dhe unë me penë,

Kjo kullë e heshtur portën me dry,

Në zot u luta edhe njëherë,

Mbushi këto troje plot me fëmijë!

/QendraPress/