Fryma poetike e së dielës me poeten;- Mira Zaho MËHILLI

Qetësi e shpirtit

______________________

Heshtje, ndjenjë, përjetim,

apo nënshtrim qetësia?

Ndoshta dhuratë

prej universit e dërguar,

ndoshta rehati e momentit

a madhështi e lumturisë

prej qëndrueshmërisë

ndaj stuhive e shtrëngatave,

që jetën trazojnë.

Ndoshta qetësia,

ekuilibër i natyrshëm

i kapërcimit të dhimbjeve

të pikëllimit, prej turbulencave

të padëshiruara,

që dritën e dëlirësisë

me errësirën e muzgut,

kërkojnë të mbulojnë.

Qetësia djep reflektimi,

virtyt që zukatjen

e dëshpërimit shuan,

maturi ekuilibri,

që dinjitetin lartëson.

/www.qendrapress.com/