Fryma poetike e së dielës me poeten:-Mirishahe ELSHANI

JAM ANKTHI I VETES

————————————

Jam zjarri i shpirtit tim

Jam gur pa gjëmë e pa ankim

E herë bëhem shpuzë e hedhur në erë

Pastaj kthehem në klithmë

Që bërtas me zë

E herë mbes pa frymë

Jam akull përbrenda vetes

E herë jam vdekje e vdekjes

E sërish mbijë në thelb të jetës

E bëhem këngë e ngrirë që s’dëgjohet

Herë bëhem zë i mashtrimit

Herë udhë e braktisur nga njeriu

Poshtërim i tmerrshëm nga i ligu

Jam shtëpi e zbrazët nga ëndrrat

Kam frikë nga të pathënat

Jam vetmia e Hyjit që më bën dritë

Jam ankthi i vetes që çdo vit më ikë

/www.qendrapress.com/