Fryma poetike e së dielës me poeten;- Rajmonda Shyta KOLVAN

I përulem bukurisë

—————————-

Ajo bën të njëjtën rrugë çdo ditë,

E shikoj tek ec, s’ka makinë,

Mospërfillëse shkon në punë,

Po të njëjtën rrugë bëj dhe unë.

Fytyrë qumësht mjaltëz mishërimi,

Këmbankë zë mbytur mallëngjimi,

Pyll buzëqeshjesh e puthjesh bashkë,

Këpucë fustan kuqe, supet nxjerrë jashtë.

E bukur sa më s’ka , dalë nga xheneti,

Ka ecje madhështore si çupkë mbreti,

Gotë verë e kuqe dehëse, çupkë fisi,

Mbushur nga vetë dora e Dionisit.

E si të mos e kthej kokën disa herë,

T’ia pi bukurinë si gotën me verë,

E kush nga ju kur shikon bukurinë

Në shpirt s’ndjeu sadopak drithërimë?

O gotë mbretërore me verë të kuqe,

Buzë pjalmuar, qepalla krahë fluturue,

Kopsht harlisur ku lulëzon vetë poezia,

Të bie në gjunjë o nur bukuria!

/QendraPress/