Fryma poetike e së dielës me poeten;- Selvete Dervishi-NIMANI

KULLA QË U BË FLAMUR

————————————–

Në ballë të kohës, ku dridhej dheu,

Kosova s’ishte veç plagë e shkretë,

Ishte vullkani që priste t’shpërtheu,

Një betim gjaku, një zjarr i vërtetë.

Në Prekaz kullat u bënë kala,

Jo prej guri, por prej bese,

Aty ku vdekja sypatrembur pa,

Lindjen e madhe të një shprese.

Adem Jashari emër si himn,

Në male tona jehon si murlan,

Nuk dha veç urdhra, por dha kushtrim,

U bë flijimi që mbrojti vatanë.

Nuk ishte luftë për emër e lavdi,

Por për çdo foshnje e prag shtëpie,

Aty ku flaka u bë liri,

Dhe vdekja vetë pati hije burrërie.

Kulla qëndroi, s’u mposht nga stuhia,

Trupat u bënë prag i lirisë,

Nga gjaku i tyre lindi ushtria,

Diell i përjetshëm i historisë.

Sot në Prekaz nuk ka veç dhimbje,

Ka krenari që ndrit si flakadan,

Një familje që u bë rilindje,

Dhe çdo pëllëmbë toke e bëri vatan.

/QendraPress/