Fryma poetike e së dielës me poeten;-Vilma NIKA

Sytë nëpër natë!

———————————

Dielli dhe sonte i mbylli qepallat,

ëndrrimet tej muzgut

do zbresin mbi sy.

Në ëndrra fëmijësh

do zgjojmë kalërimet

pikturat do heshtin,

por jo ne të dy.

Se ti vjen me vargjet

në vesën e lules

kur ora akrepat

ka ndalur pa thënë!

Do dojë dritë e hënës

pranë meje të ulet.

dhe ndjehet xheloze

për vendin e zënë.

Jastëku do qeshë

mbuluar me puthje,

dhe hëna largohet

me buzën në gaz.

Kujtoj si lazdrohet

gjithë pritja me lutje.

Mëngjesi më zbardh

me tjetër maraz!

/QendraPress/