Fryma poetike e së dielës  me poeten;- Violeta  KADRIU

PËR TY SONTE SYTË MË NDRIJNË

———————————————————

Hijeshi e rrezes sate sonte paska rënë mbi liqe,

gjinkallat dhe bletët buzë tij po gumëzhijnë,

më duket se përveç teje sonte s’ ka bukuri tjetër mbi dhe,

o e bukura hënë, që për ty sonte sytë më ndrijnë!

Vargu im i argjendtë sonte për ty ka hapur fletët

po i thotë dhe zemrës sime” Dhe ti një këngë për Të këndo”,

është robëruar nga nuri yt, o hënë,

që n’ liqe e as n’ det nuk tretet,

të të gllabërojë të tërën në gjirin e tij ai do!

O Muza ime prej poeteje, përplot hire e nure,

gjithë kjo freski pranvere shpirtin do t’ ma gjallërojë,

që nga vegjëlia ime e hershme për këto bukuri sa lavde thure,

e do të thurësh ende, dhe kur pleqëria të t’ përqafojë!

/QendraPress.com/