Fryma poetike  e së dielës me poeten;Anila HOXHA

Në fije të perit varur një patkua

—————————————–

me gjasë fatin thërret, mban larg syrin e keq

Paradoks zëri i burrit në kuti

“Pasaportën zonjë, mirë se erdhe në Shqipëri”

Tundet si perde prej tyli

patkoi i hekurt, nën këtë erë

Që fryn e vrapon si kalë i pambathur

Pak besëtytni është fati

pak shenjti,

sidomos për dy qen te braktisur

Që mendja më thotë , më shohin pa ngjyra

Më kuptojnë bardhë e zi

megjithatë duhet të jenë të lumtur

nuhasin shpirtra kuajsh të lirë

Ndonëse mbi ta varur një patkua,

si Rubikoni

Që bën propagandë fati për të gjallët

Por kurrë në jetë të jetëve

ska për të prekur një lëndinë

/www.QendraPress.com/