Fryma poetike e së dielës me poeten:Mimoza Maria AJDHOMI
MOS LUAJ
———————–
Mos luaj të lutem me fjalët që vrasin
dhe heshtjen time, mos e quaj dobësi.
Ti gremis çastet që na ngjitën horizonteve,
unë ndërtoj strehë për të shenjtën dashuri.
Se fjala është si plumbi, që del e s’kthehet
dhe plagë i hap shpirtit, që nuk kanë shërim.
Ti i jep rëndësi saktësisë të shënjestrës,
s’numërove kurrë plagët e shpirtit tim.
/ëëë.QendraPress.com/
