Fryma poetike e së dielës me poeten:Mirishahe ELSHANI
ÇFARË T’JU THEM SOT
——————————
Kur dashuria më vjen me gjak të ngrirë
Dhe vjen viti me ankthin e vjetër
Shtegtim i mllefosur me ëndërr tjetër
Vetëm në këngë kam kënduar si e çmendur
Me shpirt të përvëluar
Me zemër të thyer
Ç’mallkim bartë me vete ti jeta ime
Ti je plagë e gjallë që nuk pat shërim kurrë
Ti je gjak i ngrirë në trupin tim
Mëkohem me fjalë për të hjek pak mërzi
Me rrënjët në ëndërr me sythin e ri
Çfarë të them kur nuk shohë me sy dielli
Kur kujtimi im kullon gjak
E koha shpresës mi vë lak
Jam akull në damarët e mi
Jam grindur me vetveten në vetmi
Jam djegur për ty liri
Në pagjumësinë e të vdekurit ëndërr e vrarë
Në palcën e gurit sot jam e gjallë
/www.QendraPress.com/
