Fryma poetike e së dielës me poeten:Natasha LIMAJ
Elegji për Admirin
————————–
Miri – Miri… dorë floriri…
Kërcet kujen syferina
Ç’na bëre Admir Kanina…
Njerëzit nxijnë si ulliri
Ç’na bëre hatan’o Miri…
Rënkon deti , dridhet mali
Ku vete, o Miri djali…
Qan e kullon vllezëria
Çohu Admir bukuria…
Shoqëria më me bujë
Pse , o Mir, për ty, kjo kujë ?…
Shumë pak tridhjetë e pesë
Miri ç’na” preve “ në besë…
O Mirush le dhimbje shumë
Prindërve në zemër plumb…
Ç’të them për vëlla e motër
U dhe thikë e s’u dhe lodër…
Kush të pa e s’plas e thëna
Hajde djalë që ka bërë nëna…
Sa të qeshi dashuria
Siç deshe dhe perëndia…
Ta plotësoi , si asnjë tjetër
Të dy zenitit , si mbretër…
Nuk vonoi as të gënjeu
Brenda vitit të shpërbleu…
Me ëngjëllin Solomon
Që me sy po të kërkon…
Miri – Miri …, si na le ?…
Dy bistak e mua tre…
Në krevat si në fole
Frymfundin derdhe mbi ne…
Pritna të na rriten pak
Pend’e krahë si fluturak…
Qiellnatës yjet prush
Ne me dorë yllit MIRUSH!…
Dhimbje e pa përballueshme!…
/www.QendraPress.com/
