Fryma poetike  e së dielës me poeten;Shukrije GASHI

GJITHMONË DO TË KETE SHQIPËRI

Nuhi Rexhep Berisha

(3 tetor, 2021)

————————————

Asgjë nuk do t’them

për tregimin kurrë t’ rrëfyer

e di edhe mbrëmë e nesër

i mërzitur rri prapa perdeve

hije e trazuar luan me trishtin

palëve andrrave t’thyera

kohës zezonë me pandemi

ia miklon flokët

thinjave t’mia ofshanë nata pa fjalë

E ti me nge shpalosë romancën e kohës

që t’vodhi ty e më plagosi rëndë mua

Sot është ditëlindja jote

e fletët e ditarit teshtijnë pluhur

asnjë grimcë paska lëvizur dhimbja

sërish t’ shoh të pikëlluar ulur

n’ stolin e drurit t’ Babës Rexhep

n’dhomën e vogël që mbante

aromë kashte përzier me baltë e qyreq

ti ende shtyp tastierat e makinës

thurë vargje për Lajmëtarin e Lirisë

Rebele mbajë ison e këngës s’ vjetër me Ty n’ avazin e ri

gjithmonë do të kete Shqipëri

ani pse shumë ooo sa shumë më dhembë malli për ne

dy gota verë t’ kuqe pelim e dashni

muzgut nuk ju verbuan sytë as nesër

e kurrë u mësova me mungesën tënde

është festa jonë sonte andrra kurrë e jetuar

zbrit dil nga terri prapa perdeve

eja t’ngremë dolli kaq mund t’ them

gjithmonë do të ketë Shqipëri…

/www.QendraPress.com/