Fryma poetike e së dielës me poeten;Shyrete DEMAJ

Dorëzohem para dashurisë

———————————

Dorëzohem përpara dashurisë

Bëhem rob e skllav njëherësh

Dezertori i ushtrisë

Ç’armatosem n’çdo qelizë.

Dorëzohem para dashurisë

Buzë e imja bëhet eshkë

Buza jote gurë stralli..

Seç më kall e seç më ndez

Vetëm një vështrim malli.

Dorëzohem para dashurisë

Mekem e fjalët më humbin

Vetëm buza jote e ëmbël

buzës time ja heqë shkrumbin.

Dorëzohem para dashurisë

Aromës dehëse afshit të zjarrtë

Ja ku jam o i imi fat – më fal a më mbyt

Përgjërohem dreqi e martë.

Dorëzohem para dashurisë

Falë i qofsha të ëmblit rënkim

Dhe jo nuk bëhem kurrë pishman

Dhe po ta di se më s’do të marr frymë.

Dorëzohem para dashurisë

Edhe n’u djegsha si dru i thatë

Rrahjet e zemrës çrregullohen

Çmenden e bëjnë shamatë.

Dorëzohem para dashurisë

dridhem si fleta në erë

Digjem në krahë të ëndrrës së vjetër

Eja më pushto eja e më merë.

Dorëzohem para dashurisë

Në gjunjë përulem poshtërohem

Dhe engjëjve ju falem e lutem

Nga ëndrra mos të zgjohem…

/www.QendraPress.com/