Fryma poetike e së dielës me  poetin;-Agim DESKU

GËNJESHTARËT

—————————————

Thonë dhe çfarë nuk thonë për gënjeshtrën

Janë gënjeshtarët ata që na rrethojnë kudo

Vetëm të verbëritë nuk shohin përpara e pas nesh

Në dysh jemi të ndarë në lidhje me gënjeshtarët

S’çajmë kokën edhe nëse dehemi nga gënjeshtrat

Guximin burrëror e humbin me paburrërinë e tyre

Gënjeshtrën e kanë armë për të vërtetën e kohës

Gënjeshtarët nuk pikin nga stuhitë e etnës

Ata janë përtej kufirit të atdheut tim të ndarë

Historia më ka mësua se këto anë kishin veç lule

Lule bozhuret na thonë për rrënjët tona pellazge

Ndoshta secili u bëmë lakmitarë të Mbretit

Nuk e menduam së kurora i përket vetëm njërit

Çfarë stuhi dhembjesh mbretëruan në këto anë

Njerëzit filluan të shndërrohen në zotna e mbretër

Atëherë u mbush kupa në gënjeshtarë të urryer

Cilit t’i them mbreti im kur na u servuan mijëra

Sikur e harruem Gjergjin mbretin tonë të fjalës

Me të cilin na njohu bota për trimëritë e tij

Na erdhi keq për gënjeshtarin Hamzain

Nga ku moren dhenë gënjeshtrat e importuara

Nga pesë shekujt e tmerrit e të ferrit të Dantes

Qëndruam duke u rrëfye para Korifeve të atdheut

Për t’u rikthye sërish në Promethe të gjallë. 14/15 Dhjetor 2023 AGIM DESKU