Fryma poetike e së dielës me poetin ;-Gëzim AJGERAJ

PO IKË, ME MALLIN

E T’BIRIT

——————————

Në njërin qoshk

në dhomën e kullës së vjetër

ku e kisha lënë

dashurinë e gjenezës time

kur u ktheva

e gjeta vetëm një plis

dhe kërrutën të lodhur

nëpër mote

mbi postajën e dashit

nga kopeja e gjyshit

ishin ulur vetëm vegimet

e kujtimeve të shkuara

dhe heshtja e dhimbshme

e po kuvendonin me qetësinë

për udhët tona

Ai kishte ikur moti

në amshim,

me vete e kishte marr

edhe lotin e dhimbjen

për t’birin e arratisur

botës

të paktën

përpara ikjes

mallin e kishte lënë

varur mbi një amanet

që i kishte lënë nënës /www.qendrapress,com