Fryma poetike e së dielës me poetin;-Gëzim AJGERAJ

E DREJTA NATYRORE

————————————–

S’e ndrydh dot dëshirën se ç’i duhet kombit

ta shuajë mendimin copëza duke mbetur

fqinji grabitqarë t’ua shuajë ëndrrat

vetëm një bashkim të gjithë në një shtet

Gjatë nëpër shekuj hartat na i copëtuan

me laps e në shpatë fatin na e prenë

të huajt e të tjerët fatin na caktuan

na e bënë copa-copa shtetin e atdhenë

Na copëtuan fusha e na copëtuan male

bjeshkët na i ndanë e dielli vret

nga e drejta jonë asgjë natyrale

të tjerët na copëtuan e ne robër përjetë

Durim i tepruar a besim i pamasë

tjetri të të presë rrobat e fatit tonë

zgjohu ti i mjerë zgjohu o shqiptar

mos lejo të tjerët ty të të copëtojnë

Zgjohu dhe njëherë mos lejo copëtime

përmbi troje tona kush të të vë gurë

zgjohu dhe njëherë trojet t’i bashkosh

në një tokë të vetme e nën një flamur

/www.qendrapress.com/