Fryma poetike e së dielës me poetin:-Gëzim AJGERAJ

PRESIN KUJTIMET, PRESIN

———————————

I kam lënë vetmuar diku në V‘rrina

Cucërr ulur atje në mes të lagjes

Vetmuar i numrojnë motet pa ne

Shëtitin vegimeve nëpër udhët e botës

Me një shpresë rikthimesh të zotit

Që moti ka ikur s di se ku

Herë herë Ai i rikthehet në një ëndërr

Kur kthehet e i mbledh si qershitë e qershorit

Të varur kalavesh mbi veshin e vogëlushit

Herë si piktor i një vepre surrealizmi mbi mure

Me portretin e idealit të atdheut

Për dritën e së nesërmes

Ehhh, sa shumë janë ato as që numërohen

E si mund ti mbledh këtyre moteve larg

Të mbuluara me dekadat e udhëve

Presin ato të uruara, presin

/QendraPress/